پاکستان کرکٹ بورڈ نے (پی سی بی) نے ایک اہم میٹنگ طلب کی ہے جس میں پروڈکشن کمپنی کے عملے کے سفری منصوبے پر تبادلہ خیال کیا جائے گا جو ویسٹ انڈیز کے دورہ پاکستان اور پاکستان سپر لیگ (پی ایس ایل) سیزن 7 میں کام کرے گا۔

تفصیلات کے مطابق عملے کے ارکان کی ایک بڑی تعداد کا تعلق جنوبی افریقہ، نائیجیریا اور افریقہ کے دیگر حصوں سے ہے جہاں گزشتہ ہفتے COVID-19 کی تازہ ترین شکل ‘Omicron’ دریافت ہوئی تھی جس کے بعد پوری دنیا کی جانب سے ان علاقوں پر سفری پابندیاں عائد کر دی گئی ہیں۔

ذرائع نے بتایا کہ پی سی بی نے ایک میٹنگ بلائی ہے جس میں آئندہ دو بڑے ایونٹس کے لیے افریقی عملے کو پاکستان لانے کے ممکنہ آپشنز پر غور کیا جائے گا۔

پاکستان نے افریقی خطے خصوصا جنوبی افریقہ، موزمبیق، بوٹسوانا اور نمیبیا سے آنے والے مسافروں پر سفری پابندیاں عائد کر دی ہیں۔

پی سی بی آئندہ ماہ کراچی میں ویسٹ انڈیز کی تین ٹی ٹوئنٹی اور اتنے ہی ون ڈے میچز کی میزبانی کرے گا۔