وفاقی وزیر فواد چوہدری نے شوکاز نوٹس پر الیکشن کمیشن سے معافی مانگ لی۔

ذرائع کے مطابق نثار درانی کی سربراہی میں الیکشن کمیشن کے دو رکنی بنچ نے فواد چوہدری کے خلاف شوکاز نوٹس پر سماعت کی۔

الیکشن کمیشن نے فواد چوہدری کو تحریری معافی نامہ دینے کی ہدایت کر دی۔

الیکشن کمیشن میں سماعت کے دوران وفاقی وزیر نے کہا کہ کاغذی کارروائی میں نہیں پڑھنا چاہتا، استدعا ہے کہ نوٹس واپس لیا جائے۔

وفاقی وزیراطلاعات ونشریات فواد چوہدری نے الیکشن کمیشن کےباہرمیڈیا ٹاک سے گفتگو کرتے ہوئے کہاکہا کہ امید ہے الیکشن کمیشن میرے جواب کو مثبت لےگا۔

انہوں نے کہاکہ مکمل پلان کے ذریعے معاملہ آگے بڑھ رہا ہے، پارلیمنٹ کا اجلاس کل طلب کرلیا گیا ہے،اپوزیشن کل کےاجلاس میں ترامیم پر کھلے دل سے غور کرے۔

فواد چوہدری نے کہاکہ ای وی ایم پی ٹی آئی کا ذاتی ایجنڈا نہیں،قومی ہے،اپوزیشن کل کےاجلاس میں ترامیم پر کھلے دل سے غور کرے،اصلاحات ہونا لازمی ہیں۔

وفاقی وزیر نے کہاکہ انہوں نے عدالتوں کے خلاف مہم شروع کردی ہے،پہلے بھی بلایا گیا تو ن لیگ نے عدالت پر حملہ کردیا ، نوازشریف اور مریم کی پیشی سے پہلے کوئی سازش ہو جاتی ہے۔

فوادچوہدری کا کہنا تھا کہ اسلام آباد ہائیکورٹ نے ذمےداران کو طلب کیا ہے،عدالتوں پرحملہ ن لیگ کی روایت رہی ہے۔

وزیر اطلاعات نے مزید کہاکہ گزشتہ روزجعلی حلف نامہ سامنےآیا جس کی فیس شریف فیملی نےاداکی ، ن لیگ نے پہلے فوج کےخلاف ایک مہم شروع کی تھی۔

واضح رہےکہ الیکشن کمیشن کےخلاف بیانات پرفوادچوہدری کونوٹس جاری ہوا تھا۔

وفاقی وزیر ریلوے اعظم سواتی کے وکیل الیکشن کمیشن میں پیش ہوئے اور کہا کہ اعظم سواتی سینیٹ میں ہیں، الیکشن کمیشن میں پیش نہیں ہو سکتے۔

جس پر الیکشن کمیشن نے کہا کہ پیش نہیں ہوتے، سینیٹ کا بہانہ بناتے ہیں، جواب جمع نہیں کرایا۔

الیکشن کمیشن نے سنگین الزامات کیس کی سماعت 3 دسمبر تک ملتوی کر دی۔