ایئرچیف مارشل ظہیراحمد بابر سدھو نے کہا ہے کہ طلبا کی بہترین تربیت کے لیے ہم نصابی سرگرمیاں بہت اہمیت کی حامل ہیں۔

تفصیلات کے مطابق پاکستان ائیر فورس اکیڈمی اصغر خان میں آل پاکستان بین الکلیاتی مباحثہ 2021 میں پاک فضائیہ کے سربراہ ایئرچیف مارشل ظہیر احمد بابر سدھو نے شرکت کی۔

ترجمان پاک فضائیہ کی جانب سے جاری بیان کے مطابق ایئر چیف مارشل ظہیر احمد بابر سدھو نے اپنےخطاب میں کہا کہ مقابلوں میں حصہ لینے والےپاکستان کے نمایاں تعلیمی اداروں کے باصلاحیت نوجوان طلبہ وطالبات کی کاوشیں قابلِ تعریف ہیں۔

ترجمان پاک فضائیہ کے مطابق انگلش مباحثے میں پہلا انعام پی اے ایف کالج سرگودھا کے پری کیڈٹ محمد علی نے حاصل کیا جبکہ اردو مباحثے میں پاکستان ملٹری اکیڈمی کاکول کے جینٹیلمین کیڈٹ اُسید عثمانی فاتح ٹھرے۔

بین الکلیاتی مباحثہ کی اوور آل بیسٹ ٹرافی پاکستان ملٹری اکیڈمی کاکول نے اپنے نام کی۔