آسٹریلوی کرکٹ ٹیم کے مایہ ناز مڈل آرڈر بلے باز ٹریوس ہیڈ  نے انگلینڈ  کے خلاف شاندار بیٹنگ کا مظاہرہ کرتے ہوئے ٹیسٹ کیریئر کی تیسری سنچری  جڑ دی۔

جمعہ کو برسبین کے گابا سٹیڈیم  میں   کھیلے جارہے پانچ  ٹیسٹ میچوں کی ایشز سیریز کے ابتدائی ٹیسٹ میچ میں آسٹریلوی ٹیم کے  مایہ ناز بلے باز ٹریوس ہیڈ  نے پہلی اننگ میں انگلینڈ ٹیم کے  باؤلرز کی خوب دھلائی کرتے ہوئے اپنے ٹیسٹ کیریئرکی تیسری سنچری سکور کر دی اور ساتھ ہی اپنی ٹیم کی میچ میں پوزیشن کو مستحکم  بنا دیا۔

ٹریوس ہیڈ  نے 148 گیندوں کا سامنا کرتے ہوئے4 خوبصورت چھکوں اور 14 چوکوں کی مدد سے انفرادی 152 رنز بنائے، یہ  ٹریوس ہیڈ  کے ٹیسٹ کیریئرکی تیسری  سنچری ہے۔ ٹریوس ہیڈ کو 152 کے انفرادی سکور پر مارک ووڈ  نے کلین بولڈ کیا۔