وفاقی وزیر اقتصادی امور عمر ایوب خان کی زیر صدارت ای سی سی کا اجلاس منعقد ہو جس میں وفاقی وزراء، مشیروں اور معاونین، سیکرٹریز قور دیگر اعلیٰ حکام نے شرکت کی۔

اجلاس میں اقتصادی رابطہ کمیٹی نے وزارت  توانائی کے لیے آئی پی پیز کو 40 فیصد ادائیگی کی تکنیکی سپلیمنٹری گرانٹ کی منظور دیتے ہوئےچینی کی درآمد کے ٹینڈر منسوخ کرنے کی سمری منظور کر لی۔

اقتصادی رابطہ کمیٹی نے پاور سیکٹر کی سبسڈیز کی ری ٹارگٹنگ کے فیز 2 کی منظوری دی جبکہ انٹر ڈسٹریبیوشن کمپنیوں کے ٹیرف اور ان کارپوریشن نظرثانی سبسڈی کی بھی منظوری دی۔

ای سی سی نے کے پی حکومت کیلئے ویز اینڈ مینز کی حد 27 ارب سے بڑھا کر 31.3 ارب کرنے کی منظوری دی جبکہ چینی کی درآمد کے ٹینڈرز منسوخ کرنے کی وزارت صنعت و پیداوار کی سمری منظور کر لی گئی۔

اجلاس نے وزارت صنعت کی فرٹیلائزر کی صنعت کو ترجیحی بنیادوں پر فراہمی کی منظور دی ۔ کمیٹی اراکین نے ای سی سی نے ٹیکسٹائل اینڈ ایپرلز 2020-25ء پالیسی کی مشروط منظوری دی جبکہ پالیسی کی منظوری ایف بی آر اور فنانس ڈویژن کی ہدایات اور پاور ڈویژن کی سفارشات سے مشروط کر دیا گیا۔

ای سی سی نے آٹوانڈسٹری ڈویلپمنٹ اینڈ ایکسپورٹ پالیسی 2021-26ء کی منظوری دیتے ہوئے پالیسی میں دیئے گئے برآمدی اہداف پر ہر سال نظرثانی کی ہدایت کی۔

ای سی سی نے وزارت ہائوسنگ کیلئے 2.65 ارب روپے کی تکنیکی سپلیمنٹری گرانٹ کی منظوری دی جبکہ اقتصادی رابطہ کمیٹی نے وزارت انرجی کیلئے آئی پی پیز کو 40 فیصد ادائیگی کی تکنیکی سپلیمنٹری گرانٹ کی بھی منظوری دی۔

ای سی سی نے وزارت اطلاعات کو میڈیا مہم کیلئے 2 ارب روپے کی تکنیکی سپلیمنٹری گرانٹ کی منظوری دی جبکہ شرکا کمیٹی نےای سی سی نے تمباکو کی فصل کی کم از کم قیمت متعین کرنے خا معاملہ موخر کردیا۔