اے وی ایل سی پولیس نے کارروائی کے دوران اہل کار ساتھیوں سمیت گرفتار، 8 چوری کی کاریں اور 3 سرقہ شدہ مو ٹر سائیکلیں بر آمد کیں۔

تفصیلات کے مطابق اے وی ایل سی کراچی نے اے وی ایل سی میں موجود کالی بھیڑوں کے خلاف کارروائی کرتے ہوئے سب انسپکٹر ناصر عباس شاہ کو اس کے 3 مزید ساتھیوں سمیت گرفتار کر کے 8 چوری کی کاریں اور 3 سرقہ شدہ مو ٹر سائیکلیں بر آمد کرلیں۔

واضح رہے کہ موجودہ  ہیڈ کانسٹیبل ناصر عباس شاہ اے وی ایل سی گلشن ڈویژن میں تعینات تھا اور سابقہ ڈی آئی او گلشن ڈویژن عابد شاہ کا قریبی رشتہ دار ہے، عابد شاہ کو اس کی پوری ٹیم سمیت معطل کر کے اس کے خلاف بھی انکوائری کی جا رہی ہے۔

ملزم سب انسپکٹر ناصر شاہ  (موجو دہ ہیڈ کانسٹیبل) اپنے ساتھی ملزم سہیل عرف علی جو کہ اپنے آپ کو اے ایس آئی ظاہر کرتا ہے اور جس نے جعلی  پولیس سروس کارڈ بھی بنا رکھا ہے۔

ملزم ساتھی کے ساتھ مل کر مختلف علاقوں سے گاڑیاں چو ری کرتے تھے،  ملزمان اکثر گاڑیوں کو کرینوں اور لفٹرز کے ذریعے اٹھا کر یا مزدا ٹرک کے ذریعہ کھینچ کر اپنے ساتھی ملزم راہد خان یا اور ساتھیوں کے کمپاؤنڈ میں محفوظ  کر دیا کرتے تھے۔

کمپاؤند کا مالک راہد خان جو ٹریفک برانچ میں تعینات ایک سب انسپکٹر کا بیٹا ہے، ان سرقہ شدہ گاڑیوں کو آگے بیچتا ہے یا مختلف کباڑ والوں کو فروخت کرتا ہے۔

ملزمان کچھ سرقہ شدہ گاڑیوں کی جعلی کاغذات بنوا کر واٹس اپ کی ذریعہ بھی فروخت کر دیتے ہیں۔

ملزمان کے عدم گرفتار مفرور ساتھی ملزمان اور مزید گاڑیوں کی برآمدگی کے لئے چھاپے مارے جا رہے ہیں، مزید تفتیش جاری ہے۔