این سی او سی نے کورونا ویکسین کی بوسٹر ڈوز لگانے کی منظوری دے دی۔

وفاقی وزیر برائے منصوبہ بندی اور این سی او سی کے سربراہ اسد عمراورمیجر جنرل ظفر اقبال کی زیر صدارت این سی او سی کا اجلاس ہوا، جس میں صوبائی وزرائے صحت اورچیف سیکٹریز نے ویڈیو لنک کے ذریعے شرکت کی۔

متعلقہ احکام کو کورونا پھیلاؤ، اموات کی شرح اور اسپتال داخلوں کے حوالے سےبریفنگ دی گئی۔

نیشنل کمانڈ اینڈ آپریشن سینٹر(این سی او سی) کےاحکام کو شہروں میں جاری ویکسی نیشن مہم پر تفصیلی بریفنگ دی گئی۔

 بریفنگ میں بتایاگیا ہے کہ کورونا ویکسی نیشن کے حوالے سے 40 کال سینٹر قائم کر دیئے گئے ہیں۔

این سی او سی نے اجلاس میں پبلک مقامات پر ویکسی نیشن ٹیم تعینات کرنے کا فیصلہ کیا ہے۔

اجلاس میں دنیا بھر میں پھیلنے والے کورونا وائرس کی نئی قسم امیکرون ویرئنٹ کے بارے میں بھی تبادلہ خیال کیا گیا۔

این سی او سی کے مطابق نئے ویرئنٹ سے بچنے کا حل ویکیسن ہی ہے، ماسک پہننے سماجی فاصلوں اور ہاتھ دھونے کے ایس او پیز پر بھی زور دیا گیا۔

اس مو قع پرنیشنل کمانڈ اینڈ آپریشن سینٹر (این سی او سی) نے صوبوں کو بھی کورونا ویکسی نیشن پر سخت اقدامات کرنے کی ہدایت کرتے ہوئے کورونا ویکسین کی بوسٹر ڈوز لگانے کی منظوری دے دی۔

ذرائع کے مطابق این سی او سی نے کورونا ویکسی نیشن کی موجودہ صورتحال پر بھی غور کیا۔

واضح رہےکہ وزیر اعظم کے معاون خصوصی برائے صحت ڈاکٹر فیصل سلطان این سی او سی کے اجلاس میں شریک نہ ہوئے۔