لاہور قلندرز کے سابق کھلاڑی سندیپ لیمی چین کو نیپال کرکٹ ٹیم کے کپتان مقرر کردیا گیا ۔

غیر ملکی خبررساں ادارے کے مطابق کرکٹ ایسوسی ایشن آف نیپال نے اعلان کیا کہ نیپال کے اسٹار لیگ اسپنر سندیپ لیمی چین کو ملکی کرکٹ ٹیم کا نیا کپتان مقرر کردیا گیا ہے۔

اس سے قبل نیپال کرکٹ ٹیم کی کپتانی کے فرائض گیانندرا انجام دے رہے تھے لیکن انہیں کرکٹ بورڈ نے کوڈ آف کنڈکٹ کی خلاف ورزی پر کپتانی سے برطرف کردیا ہے اور ان کے ساتھ مزید تین کھلاڑی جن میں نائب کپتان دپنرا سنگھ، فاسٹ بولر سومپال کامی اور کمال سنگھ بھی شامل ہیں۔

Sandeep Lamichhane has been appointed captain of the Nepal Cricket Team 🏏

Advertisement

Happy with the decision, 🇳🇵 fans? pic.twitter.com/RlmSO9cAyh

— ESPNcricinfo (@ESPNcricinfo) December 15, 2021

کرکٹ بورڈ کی جانب سے ایک کمیٹی تشکیل دی گئی ہے جو ان کھلاڑیوں کی جانب سے کی جانے والی خلاف ورزی کی تحقیقات کرے گی جب کہ چاروں کھلاڑیوں کو سینٹرل کنٹریکٹ سے بھی محروم کردیا گیا ہے۔

دوسری جانب کرکٹ گورننگ باڈی کی جانب سے ان چاروں کھلاڑیوں کو بلاکر تفتیش بھی کی گئی لیکن وہ تسلی بخش جواب دینے میں ناکام رہے۔

لیگ اسپنر سندیپ لیمی چین پاکستان سپر لیگ میں لاہور قلندرز کی نمائندگی کرچکے ہیں اور ان دنوں وہ آسٹریلیا میں موجود ہیں جہاں وہ بگ بیش لیگ میں ہوبارٹ ہوری کین کی جانب سے ایکشن میں دکھائی دے رہے ہیں۔

واضح رہے نیپال کرکٹ ٹیم ان دنوں اگلے سال آسٹریلیا میں ہونے والی آئی سی سی ٹی ٹوئنٹی ورلڈکپ کے کوالیفائیر گروپ کی تیاروں میں مصروف ہے جو اگلے سال اومان میں ہوگا۔