دیپال پور کے نوجوان کو اداکار شان بننا مہنگا پڑ گیا، پولیس نے گرفتار کرکے مقدمہ درج کردیا۔

دیپال پور کے رہائشی نوجوان قمر عزیز نے ایک ویڈیو ریکارڈ کی جس میں وہ اداکار شان بن کر اسلحے کی نمائش کرتا رہا اور بعد ازاں اس ویڈیو کو باقاعدہ واٹس ایپ گروپس میں اسٹیٹس لگادیا اور سوشل میڈیا پر اپلوڈ کردیا۔

اس قانون شکنی پر پولیس حرکت میں آئی اور قمر عزیز بٹ کو گرفتار کیا تو اسنے بتایا کہ اداکاری کے چکر میں قانون شکنی کی ہے اور گھر میں اسلحہ چھپا دیا ہے جو بعد میں اس نے پولیس کے حوالے کردیا۔

پولیس نے ناجائز اسلحہ رکھ کر اور اس کی سوشل میڈیا پر نمائش کرنے کے جرم میں قمر عزیز بٹ کے خلاف مقدمہ درج کرکے جیل بھیج دیا۔