کراچی میں بادلوں نے ڈیرے ڈال لئے، بوندا باندی کا سلسلہ بھی شروع ہوگیا۔

 شہر کے مختلف علاقوں نیشنل اسٹیڈیم ، ڈالمیا ،جوہرموڑ، حسن اسکوائر، غریب آباد، آئی آئی چندریگر روڈ ، ایم اے جناح روڈ اور گرومندر میں ہلکی بارش و بوندا باندی کا سلسلہ جاری ہے۔

بونداباندی کے باعث موسم کافی سہانا ہو گیا ہے۔

کراچی میں تیز بارشوں کا امکان 

محکمہ موسمیات کے مطابق 25 تا 27 دسمبر کے دوران شہر قائد میں درمیانے درجے کی بارش کا امکان ہے جبکہ چند مقامات پر موسلادھار بارش بھی ہوسکتی ہے۔

موسم سرما کی بارشوں کا امکان، الرٹ جاری

پاکستان ڈیزاسسٹر مینجمنٹ اتھارٹی سندھ نے کراچی سمیت صوبے کے مختلف اضلاع میں ہفتے اور اتوارکو موسمِ سرما کی پہلی بارش کی پیشگوئی کے ساتھ ہی الرٹ جاری کردیا ہے۔

پی ڈی ایم اے سندھ کے مطابق کراچی، حیدرآباد، سکھر، میرپور خاص، دادو، جامشورو، لاڑکانہ ، شہید بینظیر آباد میں بارشوں کا امکان ہے۔

پی ڈی ایم اے نے بلدیاتی اداروں سمیت ضلعی انتظامیہ کو بارشوں سے نمٹنے کے لیے اقدامات کی ہدایت کردی۔