مشیر تجارت عبدالرزاق داؤد نے کہا ہے کہ معاشی تحفظ اور آزادی کیلئے برآمدات کا اہم کردار ہے۔

عبدالرزاق داؤد نے اپنے ایک بیان میں کہا کہ وزارت تجارت ایکسپورٹ کلچر کے فروغ کیلئے وزیر اعظم کو بریفنگ دی، پبلک اور پرائیویٹ شعبے کیلئے قومی تعاون کے کلچر کے فروغ کیلئے ہر سطح پر کام ہورہا ہے۔

انہوں نے کہا کہ موجودہ حکومت برآمدات کو بڑھانے کیلئے درست سمت کی جانب گامزن ہے۔

عبدالرزاق داؤد کا کہنا تھا کہ دس سال تک برآمدات میں کمی کا سامنا رہا اب بہتری آرہی ہے ابھی ایک طویل سفر طے کرنا ہے۔

مشیر تجارت عبدالرزاق داؤد کا مزید کہنا تھا کہ معاشی تحفظ اور آزادی کیلئے برآمدات کا اہم کردار ہے، قومی سطح پر ایکسپورٹ کلچر کے فروغ مزید اقدامات کرنے ہونگے۔

اس سے قبل بھی اپنے ایک بیان میں مشیر تجارت عبد الرزاق داؤد کا کہنا تھا کہ مجھے بتاتے ہوئے خوشی محسوس ہو رہی ہے کہ پاکستان کی برآمدات میں اضافہ ہورہا ہے، امریکہ، برطانیہ اور چین کو رواں مالی سال کے پہلے چار ماہ میں برآمدات میں اضافہ ہوا ہے۔

ان کا کہنا تھا کہ پاکستانی برآمدات میں 2 ارب ڈالر کا اضافہ سامنے آیا ہے۔ رواں مالی سال میں جولائی تا اکتوبر پاکستانی برآمدات 24.7 فیصد اضافہ سے 9.44 ارب ڈالر کی رہیں جبکہ گزشتہ مالی سال اسی عرصے میں پاکستانی برآمدات 7.57 ارب ڈالرز تھیں۔