بینظیر بھٹو کی جائے شہادت کی ٹوٹ پھوٹ پر فیاض الحسن چوہان نے ایکشن لے لیا۔

وزیرِ جیل خانہ جات علی الصبح بینظیر بھٹو کی جائے شہادت پر پہنچ گئے۔ ٹرک کی ٹکر سے بی بی شہید کی جائے شہادت ٹوٹ پھوٹ کا شکار تھی۔

فیاض الحسن چوہان نے بلدیہ راولپنڈی کے افسران کو موقع پر طلب کر لیا۔

مرمت میں تاخیر پر افسران کی سرزنش، فوری مرمت اور بحالی کے احکامات بھی جاری کیے۔

فیاض الحسن چوہان کا کہنا تھا کہ بے نظیر بھٹو شہید بطور سابقہ وزیراعظم ہمارے لیے قابلِ  احترام ہیں۔ محترمہ بی بی شہید صرف پیپلز پارٹی نہیں، تمام پاکستانیوں کی نمائندہ تھیں۔

پاکستان کی سیاست کا انوکھا واقع۔۔۔!!!
فیاض الحسن چوہان صبح سویرے بینظر بھٹو کی جائے شہادت پر پہنچ گئے۔۔۔!!!
وجہ کیا تھی ؟؟؟
بلدیہ راولپنڈی کے تمام افسران کو موقع پر بلا کر کیا ہدایات دیں؟
ویڈیو پوری دیکھنا نہ بھولیں۔۔۔!!! pic.twitter.com/ydOpGOVP9t

Advertisement

— Fayaz ul Hassan Chohan (@Fayazchohanpti) December 23, 2021

انہوں نے کہاکہ پنجابی ہونے کے ناطے ہمارا فرض ہے کہ ہم اپنے سندھی بھائیوں سے اظہارِ یکجہتی کریں۔

ذرائع کے مطابق مقامی لوگ وزیرِ جیل خانہ جات پنجاب فیاض الحسن چوہان کو اپنے پاس دیکھ کر حیران رہ گئے۔

اس موقع پر وہاں موجود پیپلز پارٹی کے ورکرز نے ایکشن لینے پر وزیرِ جیل خانہ جات کا شکریہ بھی ادا کیا۔