پاکستان کی نمبر ون ٹک ٹاکر جنت مرزا کے ڈانس اسٹیپ سوشل میڈیا پر وائرل ہورہے ہیں۔

فیصل آباد سے تعلق رکھنے والی پاکستان کی نمبر ون ٹک ٹاکر جنت مرزا سوشل میڈیا پر متحرک رہتی ہیں اور ان کے چاہنے والوں کی تعداد پاکستان سمیت دنیا بھر میں لاکھوں میں موجود ہے۔

اس وقت جنت مرزا کے سوشل میڈیا کی تصاویر و ویڈیو شیئرنگ ایپ اسٹاگرام پر فالوورز کی تعداد 3 اعشاریہ 63 ملین سے زائد ہے اور یہی وجہ ہے کہ جنت مرزا جو بھی ویڈیوز یا تصاویر شیئر کرتی ہیں وہ دیکھتے ہی دیکھتے وائرل ہوجاتی ہیں۔

اس مرتبہ بھی جنت مرزا نے اپنی ڈانس اسٹیپ کی ویڈیو شیئر کی ہے جو دیکھتے ہی دیکھتے چند منٹوں میں ہی وائرل ہوگئی، اس ویڈیو کے اپلوڈ ہونے کے صرف ایک گھنٹے بعد ہی 26 ہزار سے زائد صارفین دیکھ چکے تھے جبکہ اب تک اس ویڈیو کو 60 ہزار کے قریب صارفین لائک کرچکے ہیں۔

ویڈیو میں دیکھا جاسکتا ہے کہ جنت مرزا نے منفرد انداز اپناتے ہوئے اپنا چہرہ ایک طرف دکھا ہوا ہے اور جیسے ہی وہ کیمرے کی طرف دیکھ کر ہاتھ ہلاتی ہیں تو ان کا لباس تبدیل ہوجاتا ہے۔

ویڈیو میں دیکھا جاسکتا ہے کہ جنت مرزا بیک گراؤنڈ میں چلنے والے انگریزی گانے پر ڈانس کررہی ہیں جبکہ اس ویڈیو کے کیپشن میں انہوں نے لکھا کہ ’نیو ایج نیو فری فائر میں بہت سے خصوصی آئٹم حاصل کرنے کے لیے 25 دسمبر سے یکم جنوری کو گیم میں لاگ ان کریں‘۔