پاکستان شوبز انڈسٹری کے اداکار اور گلوکار عاصم اظہر نے اداکارہ ہانیہ عامر کو ’ایکسٹرا‘ قرار دے دیا ہے۔

گلوکار عاصم اظہر آج کل ملک کے بڑے شہروں میں کنسرٹ کر رہے ہیں۔

گزشتہ روز بھی عاصم اظہر کی جانب سے پنجاب کے شہر ملتان میں میوزک کنسرٹ کیا گیا۔

پنجاب کے شہر ملتان میں ہونے والے کنسرٹ کے دوران عاصم اظہر کے مداحوں کی جانب سے ہانیہ عامر کے نام کے خوب نعرے لگائے گئے۔

عاصم اظہر نے پہلے اِن نعروں کو نظر انداز کیا اور بعد میں کنسرٹ میں موجود مداحوں سے کہا کہ ’دیکھو یار جو ایکسٹرا (اضافی) نام لے گا ناں تو پھر مزا نہیں آئے گا۔

اس سے قبل کراچی میں عاصم اظہر کی جانب سے کیے گئے میوزک کنسرٹ میں ہانیہ عامر نے شرکت کی تھی۔

واضح رہے کہ ہانیہ عامر کے عاصم اظہر کے شو میں جانے پر انٹرنیٹ صارفین کی جانب سے اُنہیں خوب آڑے ہاتھوں لیا گیا تھا۔