سیکرٹری پیپلز پارٹی وسطی پنجاب سید حسن مرتضیٰ نے کہا ہے کہ عمران خان نے پاکستانی معیشت کیساتھ معاشرت بھی تباہ کر دی ہے۔

حسن مرتضیٰ نے اپنے جاری کردہ ایک بیان میں کہا کہ نا اہل وزیر اعظم انسانی حقوق کا چمپین بننے سے پہلے اپنے وزیر دفاع سے استعفیٰ لے،عمران خان نے پاکستانی معیشت کیساتھ معاشرت بھی تباہ کر دی۔

ان کا کہنا تھا کہ سرگودھا اور فیصل آباد کے واقعات ہماری سماجی اور اخلاقی تباہی کو بے نقاب کر رہے ہیں، مذہبی بھیڑ چال اور بے حسی کے روئیے بند نہ۔کیے تو ہمیں تباہی سے کوئی نہیں بچا سکے گا۔

انہوں نے کہا کہ پنجاب پولیس کا مورال گرنے کی وجوہات پر غور کرنا ہو گا، پولیس کو ذاتی اور سیاسی مقاصد کا آلہ کار بنانیوالے حکمران اداروں کی تباہی چاہتے ہیں۔

سیکرٹری پیپلز پارٹی وسطی پنجاب سید حسن مرتضیٰ کا مزید کہنا تھا کہ پاکستان کاسوشل فیبرک تباہ کرنیوالے کسی رو رعایت کے مستحق نہیں، اعلیٰ عدلیہ ایسے کیسز کے مثالی فیصلےکرے تاکہ آئندہ ایسے واقعات کا تدارک ہو سکے۔