سعودی عرب کے شہر جدہ میں 3 سے 5 دسمبر تک فارمولا ون کار ریس کا انعقاد ہو رہا ہے ۔

تفصیلات کے مطابق فارمولا ون کار ریس میں عالمی شہرت یافتہ فارمولا ون کے ماہر ڈرائیورز شرکت کر رہے ہیں۔

 ساحلی شہر جدہ میں ہونے والی فارمولا ون کار ریس کے لیے دنیا کا طویل ترین اور تیز رفتار ٹریک قائم کیا گیا ہے۔

ریسنگ ٹریک جدہ شہر کے مرکزی علاقے سے 12 کلو میٹر کے فاصلے پر پرکشش ساحل پر بنایا گیا ہے، یہ فارمولا ون ریس کے غیر معمولی ٹریکس میں سے ایک ہو گا۔

جدہ کورنیش ٹریک 6.175 کلو میٹرطویل ہے اور اس پر 27 موڑ ہیں اسے فارمولا ون ریس کےلیے انٹرنیشنل ٹورنامنٹ میں دنیا کا سب سے طویل اور تیزرفتار ریسنگ ٹریک مانا جا رہا ہے، اس پر اوسط رفتار 250 کلو میٹر فی گھنٹہ سے زیادہ ہو گی ۔

جدہ کے کنگ عبدالعزیز ائیرپورٹ پر غیر ملکی سیاحوں کو خوش آمدید کہنے کے لئے فارمولا ون کار کو رکھا گیا ہے۔

  اس سال فارمولا ون کی میزبانی تاریخ میں پہلی بار سعودی عرب کر رہا ہے جسے دیکھنے کے لئے ملکی اور غیر ملکیوں کی بڑی تعداد پرجوش ہے۔