پاکستان وومینز کرکٹ ٹیم کی آل راؤنڈر ندا ڈار نے پی سی بی ایوارڈز میں بہترین خاتون کرکٹر آف دی ائیر کا اعزاز حاصل کر لیا۔

ندا ڈار نے پاکستان وومینز کرکٹ ٹیم کے لئے 10 ون ڈے انٹرنیشنل میچز میں 363 رنز اور 6 وکٹیں حاصل کیں.

آل راؤنڈر ندا ڈار نے 6 ٹی ٹونٹی انٹرنیشنل میچز میں 95 رنز بنانے کے ساتھ ساتھ 7 وکٹیں بھی حاصل کیں.

ندا ڈار نے پاکستان ویمنز کپ میں 146 رنز اسکور کیے اور 14 وکٹیں حاصل کیں.

ندا ڈار نے ایوارڈ ملنے پر اپنے خیالات کا اظہار کرتے ہوئے کہا کہ یہ میرے لئے ایک اعزاز ہے اور میرے لئے باعث فخر بھی ہے۔

ندا ڈار نے مزید کہا کہ پاکستان کے لیے اچھی پرفارمنس کے بدلے میں ایوارڈ ملنا حوصلہ افزائی کا سبب بنتا ہے.

ندا ڈار نے مزید کہا کہ یہ ایوارڈ میں اپنے مرحوم والد کے نام کرتی ہوں، جنہوں نے ہمیشہ اس کھیل میں میری سپورٹ کی ہے۔