سرگودھا میں ڈکیتی کی وارداتوں کا سلسلہ نہ تھم سکا۔

تفصیلات کے مطابق عادل پارک میں گھر میں ڈکیتی کی واردات کا واقعہ پیش آیا جس کے نتیجے میں مزاحمت پر نوجوان قتل ہوگیا۔

ذرائع کے مطابق 3 مسلح ڈاکو گھر میں داخل ہوئے اور اسلحے کے زور پر اہل خانہ کو یرغمال بنا لیا، ڈاکوؤں نے گھر میں موجود خواتین کو بھی تشدد کا نشانہ بنایا۔

ڈاکوؤں نے ڈکیتی کے دوران مزاحمت کرنے پر نوجوان پر فائرنگ کر دی جس کے نتیجے میں ارشد محمود جاں بحق ہوگیا اور ڈاکو 12 لاکھ روپے نقدی لیکر فرار ہوگئے۔

واقعے کی اطلاع ملتے ہی پولیس کی بھاری نفری موقع پر پہنچ گئی۔

پولیس کا کہنا تھا کہ ارشد محمود کی ہول سیل کی دکان ہے اور دکان کے ساتھ ہی گھر ہے۔

ڈی پی او ڈاکٹر رضوان نے کہا کہ ڈاکوؤں کا جلد ہی سراغ لگا لیں گے۔

مزید پڑھیں: سرگودھا میں تاریخی ڈکیتی، ڈاکو 2 کلو سونا اور نقدی لوٹ کر فرار