لاڑکانہ شہر کا سیوریج سسٹم ایک اور معصوم زندگی نگل گیا۔

شہر کے اللہ آباد محلہ گولیمار گلی میں 2 سالہ بچہ نالی میں گر کر جاں بحق ہوگیا، 2 سالہ محسن کو چانڈکا اسپتال کے شعبہ حادثات لایا گیا تاہم وہ فوت ہو چکا تھا۔

اللہ آباد محلے کے رہائشی مسعود میمن کا 2 سالہ بیٹا محسن گلی میں کھیلتے نالی میں جا گرا، بچے کو نالی سے نکالا گیا تو بے ہوش تھا اور پھر جانبر نہ سکا۔

شہر کی 20 یونین کمیٹیز میں کسی محلے کی نالی ڈھکی ہوئی نہیں، شہر کے بیشتر علاقوں کے گٹر کے دھکن تک نہیں لگائے جا سکے، اس سے قبل بھی کئی بچے گٹر اور نالوں میں گر کر جاں بحق ہو چکے ہیں۔

ضلعی انتظامیہ اور میونسپل سمیت پبلک ہیلتھ انجینئرنگ ڈیپارٹمنٹ کو ملنے والا کروڑوں کا بجٹ بھی شہریوں کے لیے سودمند ثابت نہیں ہو سکا۔