پاکستان سپر لیگ کے 3 کھلاڑیوں کا لیگ سے پہلے کورونا ٹیسٹ مثبت آگیا۔

ڈائریکٹر پی ایس ایل سلمان نصیر نے بیان دیتے ہوئے کہا کہ پی ایس ایل کی فرنچائز کے 5 اسٹاف ممبرز کا بھی ٹیسٹ مثبت آگیا ہے۔

سلمان نصیر کا کہنا تھا کہ 250 کوویڈ 19 ٹیسٹ  کیے جن میں سے 8 مثبت آئے، اسپورٹ اسٹاف کے مثبت افراد کو گھروں میں آئسولیٹ کر دیا گیا ہے۔

ان کا کہنا تھا کہ مثبت آنے والے باقی کھلاڑی اور اسپورٹ اسٹاف کے ارکان اپنی آئیسولیشن مکمل کر رہے ہیں۔

انہوں نے کہا کہ کوویڈ 19 کے 2 منفی ٹیسٹ آنے پر 24 جنوری سے ٹریننگ کا آغاز کر دیں گے۔

سلمان نصیر کا کہنا تھا کہ ہم نے 14 جنوری سے پی سی بی اور ہوٹل کے عملے کی ٹیسٹنگ کا سلسلہ جاری کر رکھا ہے۔

ان کا کہنا تھا کہ غیرمعمولی صورتحال کا سامنا ہے، کوویڈ کیسز سامنے آئیں گے۔

ڈائریکٹر پی ایس ایل نے مزید کہا کہ ہم نے 27 جنوری سے 27 فروری تک ایونٹ مکمل کرنے کے لیے مربوط پروٹوکولز بنا رکھے ہیں۔