کراچی کے چڑیا گھر سے ٹائیگر اور تیندوے کے بچے چوری کرلیے گئے۔

پولیس کے مطابق کراچی کے چڑیا گھر سے ٹائیگر اور تیندوے کے بچے چوری ہونے کا واقعہ درج کروایا گیا ہے اور اس کی ایف آئی آر چڑیا گھر کے جانوروں کے ڈاکٹر نے کروائی ہے۔

ڈاکٹر نے پولیس کو دیے گئے بیان میں کہا کہ دو روز قبل ڈیوٹی پر پہنچا تو چڑیا گھر میں پنجرے سے تیندوے اور ٹائیگر کا بچہ غائب تھا جس پر میں نے سی سی ٹی وی فوٹیج چیک کی تو پتہ چلا کہ نائٹ سپروائزر رات 3 بجے سے غائب تھا ، حالانکہ اس کی ڈیوٹی صبح 9 بجے تک ہوتی ہے۔

یہ بھی پڑھیں؛ کراچی چڑیا گھر کا ببر شیر فوت ہوگیا

خیال رہے 2021 کے نومبر میں کراچی چڑیا گھر میں غذائی قلت پیدا ہوگئی تھی جس کی اصل وجہ ٹھیکداروں کی جانب سے کھانا نہ دیے جانا تھا۔

ڈاکٹر نے نائٹ سپروائزر پر الزام عائد کرتے ہوئے کہا ٹائیگر اور تیندوے کے بچے اسی نے چوری کیے ہیں جس پر پولیس نے تفتیش شروع کرکے ملزم کی گرفتاری کے لیے چھاپے مارنے شروع کردیے ہیں۔

یہ بھی پڑھیں؛ چڑیا گھر کا سفید شیر انتقال کرگیا

واضح رہے گزشتہ سال کراچی کے چڑیا گھر کا سب سے بوڑھا شیر اپنی طبعی عمر پوری ہرنے پر انتقال کرگیا تھا اور ایک سفید شیر بھی کمزوری کے باعث انتقال کرگیا تھا۔