سوئی ناردرن نےپھول نگر میں گیس چوری میں ملوث سی این جی اسٹیشن کے خلاف کارروائی کی ہے۔

لاہور ریجن نے ہیڈ آفس ٹاسک فورس کے ساتھ مل کر اے ون سی این جی اسٹیشن پھول نگر پر چھاپہ مارا۔

 ترجمان سوئی ناردرن  کے مطابق صارف میٹر کی باڈی پر میگنیٹ لگا کر گیس چوری کر رہا تھا،چوری شدہ گیس 270 سلنڈروں میں نصب بھاری ٹریلر میں بھری جا رہی تھی۔

ترجمان سوئی ناردرن کا کہنا ہے کہ تھانہ پھول نگر سٹی نے ٹرالا اپنی تحویل میں لے لیا  جبکہ موقعے سے میٹر کو منقطع کر دیا گیا۔

 ترجمان  کے مطابق ملزمان نے ایس این جی پی ایل کی گاڑیوں کا تعاقب کیا اور گولیاں برسائیں،گولیاں کمپنی کے ملازم کاشف سعید کے بازو پر لگیں۔

تھانہ پھول نگر اور تھانہ مانگا منڈی میں ملزمان کے خلاف ایف آئی آر کا اندراج  ہو گیا ہے۔