ارجنٹینا کے اسٹاف فٹبالر لیونل میسی بھی کورونا وائرس کا شکار ہوگئے ہیں۔

فرانسیسی فٹبال کلب پیرس سینٹ جرمین (پی ایس جی) کے اسٹار فٹبالر لیونل میسی کورونا وائرس کا شکار ہوگئے ہیں اور ان کے کلب نے اس بات کی تصدیق بھی کردی ہے۔

پیرس سینٹ جرمین کلب نے ایک بیان میں یہ بھی تصدیق کی ہے کہ اہم ترین پلیئر لیونل میسی کے علاوہ 3 اور کھلاڑیوں کے کورونا ٹیسٹ مثبت آئے ہیں جس کے بعد چاروں کھلاڑیوں کو قرنطینہ کردیا گیا ہے۔

خیال رہے گزشتہ روز یہ خبر بھی سامنے آئی تھی کہ لیور پول فٹ بال کلب کے مینجر جرگین کلوپ کا کورونا ٹیسٹ مثبت آ گیا ہے جس کے بعد انہوں نے خود کو آئسولیٹ کر لیا ہے۔

پی ایس جی کلب کی جانب سے کہا گیا جن کھلاڑیوں کو کورونا وائرس ہوا ہے ان میں ڈیفینڈر جوان بیرنٹ ، مڈ فیلڈر نیتھن بٹومزالا اور بیک اپ گول کیپر سرگیو ریکو کا کورونا وائرس ٹیسٹ مثبت آیا ہے۔

واضح رہے ارجنٹینا کے اسٹار کھلاڑٰ لیونل میسی نے مشہور فٹبالر کلب بارسلونا کو خدا حافظ کرکے فرانسیسی فٹبال کلب پی ایس جی کا حصہ بن گئے تھے جب کہ میسی نے ٹیم کی نمائندگی کرتے ہوئے 16 میچز میں صرف 6 ہی گولز کیے ہیں۔