اسمارٹ فونز ہر جگہ موجود ہیں، یہاں تک کہ شمالی کوریا میں بھی، جہاں کے چہیتے رہنما کم جونگ اُن نے متعدد ٹیکنالوجیز پر پابندی عائد کر رکھی ہے، اور ریاستی نگرانی میں اپنے کچھ منفرد اسمارٹ فونز ریلیز کئے ہیں۔

اگر آپ اسمارٹ فونز، اینگری برڈز، اور کم جونگ اُن کے دیوانے ہیں، تو یہ فون آپ کے لیے بہترین ثابت ہوسکتا ہے۔

شمالی کوریا کے پاس مبحوس شہریوں کو تازہ دم رکھنے میں مدد کے لیے ریاستی مرضی کے مطابق بنائے گئے اسمارٹ فونز ہیں، جو فی الحال انٹرنیٹ سے عاری ہیں۔

تاہم، شمالی کوریا کے اسمارٹ فونز ( جو مقامی طور پر ‘ٹچ فونز’ کہلاتے ہیں) ممکنہ طور پر دنیا میں سب سے زیادہ نایاب ہوسکتے ہیں اور اس میں کچھ زبردست ایپس شامل ہیں۔

ان فونز کے پہلے ماڈل، “اریرینگ 171” کو لیڈر کم جونگ ان نے اس کے ‘ہائی پکسلز’ اور جدید ٹیکنالوجی کے لیے سراہا تھا۔

2018 میں شمالی کوریا سے ایک فون اسمگل کر کے باہری دنیا میں لانے  میں کامیاب ہونے والے ڈنمارک کے ایک سافٹ ویئر ڈویلپر کے مطابق اریرینگ فون میں بلو ٹوتھ، تھری جی کنیکٹیویٹی، ایک کیمرہ اور ایک مائیکرو ایس ڈی سلاٹ سمیت دیگر خصوصیات موجود ہیں۔

کرسچن بڈے جینسن نے کہا کہ اگرچہ اس میں انٹرنیٹ تک رسائی یا وائی فائی نہیں ہے، لیکن شمالی کوریا کا نمبر ایک یہ اسمارٹ فون گیمز سے بھرا ہوا ہے۔

مبینہ طور پر اس میں کلاسک گیم اینگری برڈز کے پانچ مختلف ورژنز ہیں، نیز سپر ماریو اور پلانٹس وی ایس زومبیز بھی موجود ہیں۔

جینسن کا خیال ہے کہ یہ ایک عام اینڈرائیڈ فون ہے جس پر شمالی کوریا کا خصوصی سافٹ ویئر انسٹال ہے۔

انہوں نے کہا کہ وہ ‘متاثر’ ہیں کہ غیر ملکی ٹیک کے ساتھ اسے استعمال کرنا کتنا ‘مشکل’ تھا۔

انہوں نے کہا کہ “جب کہ میں بلو ٹوتھ کے ذریعے کمپیوٹر کے ساتھ رابطہ قائم کرنے میں کامیاب رہا، لیکن میں کامیابی سے کسی بھی معلومات کا تبادلہ نہیں کر سکا۔ جب میں نے سم کارڈ ڈالا تو فون بند ہو گیا۔”

فون اگرچہ ایک اضافی بونس کے ساتھ آتا ہے، ایک 500 ایم بی پر مشتمل پروپیگنڈہ ویڈیو جو فون کی 2 جی بی اسٹوریج کی گنجائش کا تقریباً 25 فیصد حصہ لیتی ہے۔

اریرینگ کے آغاز کے بعد سے، شمالی کوریا نے کئی دوسرے ہینڈ سیٹس جاری کیے ہیں۔

فلیگ شپ ‘پیونگ یانگ’ فون میں باہری دنیا کی ٹیکنالوجی کی کچھ خصوصیات ہیں، جیسے چہرے کی شناخت، بہتر کیمرے اور یہاں تک کہ آگمینٹڈ رئیلیٹی فیچر۔

پیانگ یانگ ہینڈ سیٹ کے بارے میں کہا جاتا ہے کہ اس میں ایک خصوصیت ایسی ہے جو آئی فونز میں بھی ابھی تک نہیں۔ وہ ہےنوچ کے بجائے سامنے ایک ‘پنچ ہول’ کیمرہ۔

سب سے اچھی بات یہ ہے کہ شمالی کوریا کے اسمارٹ فونز ایک ‘انکرپٹڈ’ موڈ کے ساتھ آتے ہیں تاکہ آپ کو پیغامات کے لیے اضافی رازداری فراہم کی جا سکے۔

اگرچہ، جب مغرب میں اس کا تجربہ کیا گیا تو، تکنیکی ماہرین نے دریافت کیا کہ یہ کسی بھی چیز کو خفیہ نہیں کرتا اور صرف ایک لاک اسکرین کا اضافہ کر رہا تھا۔

جینسن نے کہا، “یہ ممکن ہے کہ لاکر کا مقصد صارف کو رازداری کا کچھ غلط احساس دلانا ہو، جس سے مزید آزادانہ گفتگو کی حوصلہ افزائی ہو۔”

مزید یہ کہ شمالی کوریا میں اسمارٹ فونز کی مقبولیت میں تیزی سے اضافہ ہورہا ہے، ایک اندازے کے مطابق آبادی کا 18 فیصد یا تقریباً 6 ملین افراد کے پاس ایک اسمارٹ فون موجود ہے۔

لہذا، اگر آپ بغیر کسی ناچ والے فون پر اینگری برڈ گیم کھیلنا چاہتے ہیں اور شمالی کوریا کے اعلیٰ افسر کو بلا معاوضہ پیغامات بھیجنا چاہتے ہیں، تو آئی فون کو چھوڑیں اور پیانگ یانگ اٹھا لیں۔