کراچی میں یوسف پلازہ پولیس نے کارروائی کی جس کے نتیجے میں درجنوں اسٹریٹ کرائم کی وارداتوں میں ملوث ملزم کو گرفتار کرلیا۔

اس حوالے سے ایس ایس پی سینٹرل پولیس ملک مرتضیٰ تبسم کا کہنا ہے کہ ملزم صفدر پولیس کو انتہائی مطلوب تھا، ملزم چار سالہ بچے کو موٹر سائیکل پر بیٹھا کہ واردات کیا کرتا تھا۔

 سینٹرل ملک مرتضیٰ نے کہا کہ ملزم صفدر نے ڈسٹرکٹ سینٹرل اور ویسٹ میں درجنوں وارداتوں کا اعتراف بھی کیا۔

انہوں نے بتایا کہ ملزم کے قبضے سے اسلحہ، موبائل فون اور عزیر آباد سے چوری کی گئی موٹر سائیکل برآمد ہوئی ہے۔

ایس ایس پی سینٹرل پولیس کا کہنا ہے کہ ملزم کے خلاف تھانہ یوسف پلازہ میں ایف آئی آر نمبر 17/22 اور 397/22 کی دفعات کے تحت مقدمہ درج تھا۔

ملک مرتضیٰ نے مزید کہا کہ مقدمہ مدعی نے ملزم کو شناخت کرلیا ہے اور ملزم کے خلاف مقدمہ درج کر کے تفتیش کا آغاز کردیا گیا ہے۔