وزیرِ اعظم کا دورہ چین مکمل، وطن کیلئے روانہ

وزیر اعظم پاکستان عمران خان کا چار روزہ دورہ چین مکمل ہوگیا۔
وزیرِ اعظم عمران خان نے آج صبح چین کے دارالحکومت بیجنگ میں چینی صدر شی جن پنگ سے ملاقات کی جس کے بعد وہ وطن واپسی کیلئے روانہ ہو گئے۔
ملاقات میں دونوں رہنماؤں کے درمیان دو طرفہ تعلقات اور خطے کی صورتحال پر تفصیلی گفتگو ہوئی۔
اس اہم ملاقات میں سی پیک، افغانستان سمیت دیگر اہم امور بھی زیر غور آئے ۔
وزیراعظم عمران خان نے گزشتہ روز چینی صدر کے ظہرانے میں بھی شرکت کی تھی۔
وفاقی وزیر اطلاعات فوادچوہدری کا کہنا تھا کہ دونوں رہنماؤں نے عالمی اور باہمی معاملات پر گفتگو کی، اس تاریخی ملاقات کے بعد وزیر اعظم اسلام آباد کیلئے روانہ ہو جائیں گے۔
وزیر اعظم عمران خان اور صدر شی کی جن پنگ کی ملاقات ختم ہو گئ ہے اور وزیر اعظم پاکستان روانگی کیلئےائرپورٹ کی طرف روانہ ہو چکے ہیں
— Ch Fawad Hussain (@fawadchaudhry) February 6, 2022
ذرائع کے مطابق وزیراعظم کے دورہ چین کے حوالے سے وفاقی وزیر اطلاعات فواد چوہدری، وفاقی وزیر خارجہ شاہ محمود قریشی، وفاقی وزیر خزانہ شوکت ترین اور وفاقی وزیر منصوبہ بندی اسد عمر آج نور خان ایئر بیس پر چین سے واپسی پر اہم پریس کانفرنس بھی کریں گے۔
یہ بھی پڑھیں: وزیراعظم کی چینی صدر سے ملاقات، دو طرفہ تعلقات اور خطے کی صورتحال پر گفتگو
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News

