بلاشبہ سلمان خان کا شمار بالی ووڈ کے بہترین اداکاروں میں ہوتا ہے یہاں تک کہ 56 سال کی عمر میں دبنگ خان کسی بھی نوجوان اداکار سے کم نہیں لگتے۔

کیا آپ ان جیسا جسم رکھنے کی خواہش رکھتے ہیں؟ اس حوالے سے آپ کو ایک اچھی خبر دیتے چلیں کہ ان کے فٹنس ٹرینر راکیش ادیار نے حال ہی میں سپر اسٹار کے فٹنس کے راز فاش کیے ہیں۔

ایک انٹرویو میں کوچ نے فٹنس روٹین کا انکشاف کیا ہے جسے سپر اسٹار فالو کرتے ہیں، اس میں ایک گھنٹہ طویل کارڈیو، وزن کی تربیت اور بہت کچھ شامل ہے۔

 راکیش ادیار نے کہا کہ سلمان خان کبھی بھی کارڈیو کو نہیں چھوڑتے جس میں بھاگنا، تیراکی، سائیکلنگ اور دیگر ورزش شامل ہے اور وہ وزن بڑھانے سے پہلے اسے یقینی بناتے ہیں۔

انہوں نے کہا کہ سلمان ہر روز کارڈیو کرتے ہیں بغیر کسی گیپ کے اور یہ عادت چھوٹی عمر میں پیدا کرلی تھی جب وہ قومی سطح کے تیراک بھی تھے۔

راکیش نے سلمان خان کی عمر اور صحت کے حوالے سے انکشاف کیا کہ وہ اب بھاری وزن سے ہلکے وزن کی طرف بڑھ چکے ہیں۔

ان کا کہنا تھا کہ سلمان خان 20 ریپس کی ورزش کرتے ہیں، ہم والیوم سیٹ پر توجہ مرکوز کرتے ہیں، جس کا مطلب یہ ہے کہ ہم 10-12 مختلف قسم کی ورزشیں کرتے ہیں، ہر ایک کے وہ 5 سیٹ انجام دیتے ہیں اور 20 ریپس کرتے ہیں۔

واضح رہے سلمان خان اپنی اگلی فلم ٹائیگر 3 میں نظر آنے والے ہیں اور کہا جارہا ہے کہ اداکار اس وقت دہلی میں شوٹنگ میں مصروف ہیں جب کہ فلم میں کترینہ کیف بھی دبنگ خان کے ساتھ جلوہ گر ہوں گی اور عمران ہاشمی بھی ان دونوں کے ساتھ ایکشن میں دکھائی دیں گے۔