بگ بیش لیگ میں شائقین کی بتدریج کم ہوتی دلچسپی نے کرکٹ آسٹریلیا کی مینجمنٹ کو پریشان کردیا۔

تفصیلات کے مطابق کوویڈ سے متاثرہ سیزن میں شائقین کی اوسط تعداد کم ہوئی ہے نیز براڈ کاسٹ ریٹنگز میں بھی کمی واقع ہوئی ہے۔ اس ضمن میں کرکٹ آسٹریلیا نے مستقبل کے حوالے سے جائزہ رپورٹ تیار کی ہے۔ جس میں ایونٹ چیف الیسٹر ڈوبسن کا کہنا تھا کہ ہمیں ایونٹ کی طوالت کے حوالے سے سوچنا ہوگا۔ اسکو کم کرنے پر بھی غقر کیا جارہا ہے۔

ماہرین کا کہنا ہے کہ 61 میچز کا سیزن تھوڑا طویل ہوتا ہے۔ ابتدائی سیزن 31 میچز پر مشتمل تھا ۔ 2018میں لیگ نے 6 سالہ براڈ کاسٹنگ معاہدہ کیا۔ جس کی مالیت 1.182 بلین ڈالر تھی۔

تاہم،موجودہ ڈیل کے تحت کرکٹ آسٹریلیا کو لیگ سے سالانہ 197 بلین ڈالر مل رہے ہیں۔

یاد رہے، 2018 میں ہونے والی بیش قیمت ڈیل کے نتیجے میں کرکٹ آسٹریلیا کو ویمنز کرکٹ اور گراس روٹ لیول پر کھیل کے فروغ دینے کے لیے وسائل میں آسانی ہوئی۔