وزیر خارجہ نے کہا ہے کہ جنوبی پنجاب صوبہ ہمارے منشور کا حصہ ہے۔

 وزیر خارجہ شاہ محمود قریشی نے صحافیوں سے گفتگو کرتے ہوئے کہا کہ جنوبی پنجاب صوبے کے قیام کے لئے بلاول بھٹو اور شہباز شریف کو خط لکھا ہے۔

انہوں نے کہا کہ جنوبی پنجاب صوبے کے لئے اپوزیشن کا تعاون درکار ہے، ہمارے پاس 2 تہائی اکثریت نہیں ہے۔

 وزیر خارجہ کا کہنا تھا کہ اپوزیشن کا دعویٰ ہے کہ صوبہ بنانے میں دلچسپی ہے، اپوزیشن اپنی رائے دے تاکہ اتفاق رائے سے کام کیا جاسکے۔

شاہ محمود قریشی نے کہا کہ جنوبی پنجاب صوبہ ہمارے منشور کا حصہ ہے، انتظامی یونٹ بنادیا قانوث سازی کے لئے اپوزیشن تعاون کرے۔

انہوں نے یہ بھی کہا کہ میرے پہلے خط کا اپوزیشن رہنماؤں نے جواب نہیں دیا اس لئے آج میں نے ایک بار پھر خط لکھا ہے۔

وزیر خارجہ کا کہنا تھا کہ یو این ڈی پی نے جنوبی پنجاب کو پسماندہ علاقہ قرار دیا ہے، خط میں یو این ڈی پی رپورٹ میں جاری ہوئے اعداوشمار بھی لکھے ہیں۔

ان کا کہنا تھا کہ اپوزیشن جواب دیتی ہے تو اچھی بات نہیں تو انکے ضمیر جھنجھوڑتے رہیں گے۔

وزیر خارجہ شاہ محمود قریشی کا مزید کہنا تھا کہ یوسف رضا گیلانی جنوبی پنجاب صوبے کے حق میں ہیں تو ووٹ دیں، یوسف رضا گیلانی سامنے آتی بھی نہیں اور پوری طرح چھپتے بھی نہیں۔