آسٹریلوی کرکٹ ٹیم کے مایہ ناز جارح مزاج بلے باز ڈیوڈ وارنر پہلی دفعہ پاکستانی سرزمین پر قدم رکھنے سے قبل اپنی بیٹیوں اور اہلیہ کے نام جذباتی پیغام دیا۔

آسٹریلیا کی کرکٹ ٹیم 24 سال بعد پاکستان دورے کے لیے آج رات کسی بھی وقت پاکستان پہنچنے والی ہے۔۔ پاکستان اور آسٹریلیا کے درمیان 3 ٹیسٹ، 3 ون ڈے اور ایک ٹی ٹوئنٹی میچ کھیلا جائے گا۔

اس وقت آسٹریلیا کی ٹیم ٹیسٹ کرکٹ میں چھائی ہوئی ہے۔

آسٹریلیا کی ٹیم عالمی ٹیسٹ رینکنگ میں ٹاپ پر ہے میزبان ملک پاکستان سے سیریز کے دوران سب کی نظریں ڈیوڈ وارنر پر ہوں گی، کیونکہ انہوں نے گزشتہ ماہ آسٹریلوی ٹیم کی ایشز سیریز 4-0 سے جیتنے میں اہم کردار ادا کیا تھا۔

پاکستان کے دورے پر روانہ ہونے سے قبل وارنر نے انسٹاگرام پر فیملی کے لیے جذباتی پیغام لکھا۔

انہوں نے اپنی اہلیہ کینڈس، بیٹی آئیوی، انڈی اور اسلا کی تصاویر پوسٹ کرتے ہوئے وارنر نے لکھا کہ الوداع کہنا ہمیشہ مشکل ہوتا ہے۔ انہوں نے لکھا کہ میری گرلس کو الوداع کہنا ہمیشہ مشکل ہوتا ہے۔ پچھلے چند مہینوں میں ہم نے بہت مستی کی۔

وارنر پاکستان دورے کے بعد آئی پی ایل میں مصروف ہوں گے۔ جو 26 مارچ سے شروع ہوگا۔ وارنر کو دہلی کیپٹلس نے 6.25 کروڑ روپے میں خریدا ہے۔