اسپیکر پنجاب اسمبلی چوہدری پرویز الہٰی نے کہا ہے کہ ووٹ کا حق ملنے کے بعد اوورسیز پاکستانیوں کی عزت میں اضافہ ہوگا۔

چوہدری پرویز الہٰی سے سعودی عرب کے دارالخلافہ ریاض کے صدر پاکستان مسلم لیگ امتیاز احمد کی اسمبلی چیمبر میں ملاقات ہوئی۔

ملاقات میں چوہدری اظہر وڑائچ سعودی عرب میں مسلم لیگ کے صدر کے طور پر اچھا کام کر رہے ہیں، انکی قیادت پر اعتماد کا اظہار کیا۔

پرویز الہٰی نے ملاقات میں گفتگو کرتے ہوئے کہا کہ  کہا کہ پاکستان سے باہر پارٹی کو متحرک کرنے کے لئے کردار ادا کریں۔

انہوں نے کہا کہ ووٹ کا حق ملنے پر اوورسیز پاکستانیوں کو جمہوریت کے عمل میں شامل کرلیا گیا ہے، ووٹ کا حق ملنے کے بعد اب ہر حکومت سمندر پار پاکستانیوں کی قدر پر مجبور ہوجائے گی۔

ملاقات میں امتیاز احمد نے اسپیکر چوہدری پرویز الہٰی کو ریاض میں پارٹی کنونشن میں شرکت کی دعوت دی۔

دوسری جانب اسپیکر چوہدری پرویز الہٰی نے پارٹی کنونشن میں شرکت کی یقین دہانی کی۔