میرعبدالقدوس بزنجو نے کہا ہے کہ عوام کے تعاون سے دہشت گردی کی عفریت کا خاتمہ کریں گے۔

وزیراعلیٰ بلوچستان میر عبدالقدوس بزنجو نے چمن میں روغانی روڈ لیول کراس لیویز چیک پوسٹ پر بم حملے کی مذمت کی اور دھماکے کے نتیجے میں اہلکاروں اور شہری کے زخمی ہونے پر افسوس کا اظہار کیا۔

انہوں نے کہا کہ چمن جیسے تجارتی شہر کو دہشت گردوں نے اپنا نشانہ بنایا ، صوبائی حکومت عوام کی جان و مال اور روزگار کے تحفظ کو یقینی بنائے گی۔

میر عبدالقدوس بزنجو نے کہا ہے کہ عوام کے تعاون سے دہشت گردی کی عفریت کا خاتمہ کریں گے۔

وزیراعلیٰ بلوچستان نے علاقے کی سیکیورٹی کو مزید موثر بنانے کی اور تمام زخمیوں کو علاج معالجے کی بہترین سہولیات فراہم کرنے کی ہدایت دی۔

واضح رہے کہ چمن میں لیول کراس لیویز چوکی پر دھماکے میں لیویز اہلکاروں سمیت 6 افراد زخمی ہو گئے۔

تفصیلات کے مطابق نامعلوم دہشت گردوں نے بم دھماکے کے ذریعے لیویز چوکی کو نشانہ بنایا جس کے نتیجے میں ایک راہگیر بچے سمیت 6 افراد زخمی ہو گئے ، زخمی افراد میں 2 لیویز اہلکار بھی شامل ہیں ۔

بم دھماکے کے نتیجے میں زخمی ہونے والے زخمیوں کو سول اسپتال منتقل کردیا گیا۔

اس کے علاوہ سیکورٹی فورسز نے علاقے کو گھیرے میں لے کر دہشت گردوں کی تلاش شروع کردی۔