حکومت ہٹاؤ مہم کے سلسلے میں آصف زرداری لاہور میں متحرک ہوگئے۔

سابق صدر اور شریک چئیر مین پی پی آصف زرداری نے حکومت ہٹاؤ مہم کے باعث ملتان روانگی بھی موخر کردی ہے۔

ذرائع کے مطابق سابق صدر آصف زرداری نے سیاسی میدان میں ایک اور انٹری کی تیاری کرلی ، جماعت اسلامی کے امیر سراج الحق سے ملنے کےلئے منصورہ بھی جائیں گے۔

جماعت اسلامی کی قومی اسمبلی میں ایک سیٹ ہے،جماعت اسلامی نے سینیٹ الیکشن میں یوسف رضا گیلانی کی حمایت کی تھی۔

ذرائع کے مطابق آصف زرداری، سراج الحق سے تحریک عدم اعتماد پر حمایت حاصل کریں گے۔

یہ بھی پڑھیں: بلاول بھٹو کی پی ٹی آئی کی وکٹ گرنے پر پی پی ٹیم کو مبارکباد

آصف زرداری حکومت کے خلاف تحریک عدم اعتماد کے لئے مزید رابطے کریں گے۔

سابق صدر مسلم لیگ ن کے صدرشہباز شریف اور پاکستان مسلم لیگ ق کے رہنما پرویز الٰہی سے دوبارہ ملاقاتوں کا بھی پلان کر رہے ہیں۔

 ذرائع کے مطابق جنوبی پنجاب کے دورے کا ایجنڈا بلاول بھٹو مکمل کریں گے جبکہ آصف زرداری لاہور میں ملاقاتوں کے بعد اسلام آباد چلے جائیں گے۔