پاکستانی اسپیڈ اسٹار شعیب اختر کے بعد وسیم اکرم نے بھی ٹک ٹاک پر اپنی وڈیو شئیر کر دی ہے۔

یہ پہلی مرتبہ ہے کہ سوئنگ کے سلطان وسیم اکرم ٹک ٹاک پر نظر آئیں گے، انہوں نے اس پلیٹ فارم کو جوائن کرنے کی اطلاع اپنے انسٹاگرام اکاؤنٹ سے گی۔ اور کہا کہ میں نے ٹک ٹاک جوائن کر لی ہے۔

وسیم اکرم ٹک ٹاک کی اپنی اس پہلی وڈیو میں اسٹنٹ کے شوقین افراد کو خبردار کرتے نظر آ رہے ہیں۔

سابق کپتان نے اپنی پوسٹ میں فینز کو ٹک ٹاک کے پلیٹ فارم کو محفوظ اور تقریح بنانے میں اپنا کردار ادا کرنے کی پیشکش بھی کی ہے۔

سابق کپتان اور سوئنگ کے سلطان وسیم اکرم کے اہلیہ شنیرا اکرم نے بھی وسیم اکرم کا ٹک ٹاک جوائن کرنے پر حیرت کا اظہار کیا۔

شنیرا اکرم نے اپنا ردعمل دیتے ہوئے کہا کہ ’ او مائی گاڈ ‘ آپ نے مجھے بتایا نہیں۔ شنیرا نے مزید کہا کہ وہ وسیم اکرم کا اکاؤنٹ مکمل طور فالو کر ہی ہیں۔

واضح رہے کچھ روز قبل پاکستانی اسپیڈ اسٹار شعیب اختر نے بھی تیزی سے مقبول ہوتی ایپ ٹک ٹاک کو جوائن کرنے کی اطلاع اپنے فینز کو دی تھی ، جس کے بعد وسیم اکرم بھی اس میدان میں کود پڑے ہیں۔