انتیسویں قومی اسکائی چیمپئن شپ گلگت بلتستان اسکاؤٹس نےجیت لی۔

تفصیلات کے مطابق گلگت بلتستان کی نلتر ویلی میں جاری 29 ویں قومی اسکائی چمپئین شپ گلگت بلتستان اسکاؤٹس نے اپنے نام کرلی۔

گلگت بلتستان سکاؤٹس کے زاہد عباس نے پہلے دن سلالم کیٹیگری میں گولڈ میڈل جیت لیا جبکہ چاندی کا تمغہ گلگت بلتستان اسکاؤٹس کے کھلاڑی میر نواز کے حصے میں آیا۔ تاہم، کانسی کا تمغہ پاک آرمی کے عبدالجان نے اپنے نام کیا۔

ایونٹ میں پی اے ایف کے علاوہ معروف ملکی اسکائی ٹیموں نے بھرپور شرکت کی۔

یاد رہے، ایونٹ میں پاک آرمی، گلگت بلتستان سکاؤٹس، گلگت بلتستان ونٹر اسپورٹس ایسوسی ایشن چترال، خیبر پختون خواہ، پنجاب، اسلام آباد، ہائر ایجوکیشن کمیشن ہندو کش سنواسپورٹس کلب اور سول ایوی ایشن اتھارٹی کی ٹیموں کی شرکت نے ایونٹ کا مزہ دوبالا کردیا۔

کھیل پر نظر رکھنے والے ماہرین کا کہنا ہے کہ ان ایونٹس کا انعقاد خوش آئند ہے۔