الفا براوو چارلی کے کیپٹن گُل شیر کو آئی ایس پی آر کی جانب سے اعزازی شیلڈ سے نوازہ گیا ہے۔

پاکستان ٹیلی وژن پر نوے کی دہائی میں پیش کئے جانے والے ڈرامے الفا براوو چارلی کے کیپٹن گُل شیر کو آئی ایس پی آر کی جانب سے اعزازی شیلڈ پیش کی گئی ہے۔

سابق آرمی آفیسر اور الفا براوو چارلی میں کیپٹن گُل شیر کا کردار ادا کرنے والے اداکار قاسم شاہ نے سماجی رابطے کی ویب سائٹ ٹوئٹر پر تصویر شئیر کی ہے جس میں دیکھا جا سکتا ہے کہ انہیں آئی ایس پی آر کی جانب سے اعزازی شیلڈ پیش کی جا رہی ہے۔

Honoured to receive the kind acknowledgement from the prestigious #ISPR

Advertisement

It’s the trust of our people in the joint efforts of #PakistanArmy & Civil Administration that keeps the flag high!✌#PakistanZindabad 🇵🇰 https://www.bolnews.com/urdu/latest/2022/03/241011/amp/ pic.twitter.com/8N5NEd8tKK

— Qasim Shah (@gulsher34) February 28, 2022

تصویر کے ساتھ کیپشن میں قاسم شاہ نے لکھا ہے کہ آئی ایس پی آر کی جانب سے اس قسم کا اعزاز حاصل کرنے پر فخر ہے۔

انہوں نے اپنے ٹوئٹ میں مزید کہا کہ یہ پاکستان آرمی اور سول انتظامیہ کی مشترکہ کوششوں پر ہمارے عوام کا اعتماد ہے جو پرچم کو بلند رکھتا ہے۔

یاد رہے کہ الفا براوو چارلی پاکستان ٹیلی وژن پر نوے کی دہائی میں پیش کیے جانے والے بہترین ڈراموں میں سے ایک ہے جس کے ڈائریکٹر شعیب منصور تھے۔