یوکرین پر روسی حملے کے بعد کرپٹو کرنسی کا ذکر ہر جگہ ہے، لیکن دنیا بھر میں کسی حکومتی سرپرستی کے بغیر چلنے والی ڈی سینٹرالائزڈ کرپٹو کرنسی کو چند روز قبل تک دنیا کی محٖوظ ترین کرنسی سمجھا جا رہا تھا۔

لیکن آج یکے بعد دیگر ے ہونے والے تین اہم واقعات نے کرپٹو کرنسی کے اس مان کو بھی توڑ دیا ہے۔ ایک دن قبل تک کرپٹو کرنسی کے باے میں یہ بات عام تھی کہ روس اقتتصادی پابندیوں کا توڑ بٹ کوائن کی شکل میں نکال لے گا۔

لیکن آج سوئٹزرلینڈ اور کرپٹو کرنسی میں لین دین کرنے والے دنیا کی بڑی ایکسچینج کمپنی کوائن بیس نے 25 ہزار سے زائد روسی کرپٹو اکاؤنٹس کو بلاک کردیا ہے۔

ان دو اہم واقعات کے بعد جنوبی کوریا نے بھی روس پر لاگو کی جانے والی اقتصادی پابندیوں پر عمل درآمد کرتے ہوئے ایسے متعدد کرپٹو ٹریڈنگ کے پلیٹ فارمز پر روسی آئی پیز سے رسائی کو روک دیا ہے۔

تاہم دنیا میں بہت سے کرپٹو ایکسچیجز ایسے ہیں جنہوں نے روس سے تعلق رکھنے والے افراد کے اکاؤنٹس بلاک کرنے سے یکسر انکار کردیا ہے۔

مقامی ذرائع ابلاغ کے مطابق جنوبی کوریا میں کرپٹو کرنسی کی لین دین کرنے والے بہت سے ایکسچینجز نے روس کے آئی پی ایڈریسز سے کرپٹو والٹ تک رسائی کو روک دیا ہے۔

واضح رہے کہ روس سے تعلق رکھنے والے کرپٹو والیٹ پر پابندی میں ناکامی پر چند روز قبل تین امریکی سینیٹرز اور سابق وزیر خارجہ ہیلری کلنٹن نے صدر جوبائیڈن اور یورپی یونین کو شدید تنقید کا نشانہ بنایا تھا۔