عدالت نے ڈاکٹرز کے گھروں کی بجلی منقطع کرنے کے معاملے پر کے ایم سی حکام سے جامع جواب طلب کر لیا۔ 

سندھ ہائیکورٹ میں عباسی شہید اسپتال کے ڈاکٹرز افسران کی رہائش گاہوں کی بجلی منقطع کرنے کے معاملے پر94 ڈاکٹرز اور افسران کی درخواست کی سماعت ہوئی

عدالت نے کیس میں ریمارکس دیے کہ بتایا جائے، کے الیکٹرک کے واجبات ادائیگی سے متعلق کیا پلان ہے؟ بتایا جائے، ڈاکٹرز، افسران کی رہائش گاہوں کی بجلی کا کیا مستقل حل نکالا گیا؟

درخواست گزاروں کی طرف سے وکیل نے دلائل مؤقف پیش کیا کہ اسپتال سے متصل ڈاکٹر اور افسران کی رہائش ہے۔ بل ادائیگی پر کے الیکٹرک اور کے ایم سی کے درمیان تنازع ہوا۔

درخواست میں عدالت کو بتایا گیا کہ واجبات کی عدم ادائیگی پر کے الیکٹرک بجلی منقطع کرنا چاہتی ہے۔ کے الیکٹرک اور کے ایم سی تنازع میں ڈاکٹرز اور افسران متاثر ہو رہے ہیں۔

یہ خبر بھی پڑھیں

دوسری جانب واٹر بورڈ کی جانب سے اکیس لاکھ روپے بل جاری کرنے سے متعلق کیس کی بھی سماعت ہوئی جس میں عدالت نے واٹر بورڈ کو درخواست گزار کے خلاف کارروائی سے روک دیا۔

عدالت نے درخواست گزار کو اکیس لاکھ روپے ناظر کے پاس جمع کرانے کا حکم دیتے ہوئے سیکریٹری بلدیات، ایم ڈی واٹر بورڈ کو نوٹس بھی جاری کردیے۔