بہترین اداکار کا آسکر ایوارڈ جیتنے والے ہالی ووڈ اداکار وِل اسمتھ نے بیوی کا مذاق کرنے والے کامیڈین کرس راک کو تھپڑ مار دیا۔

بین الاقوامی ذرائع ابلاغ کے مطابق فلمی دنیا کے نامور ترین ایوارڈز آسکرزکی 94 ویں رنگا رنگ تقریب کے دوران ایک ایسا لمحہ بھی آیا جس نے دیکھنے والوں کو پہلے حیران پھر پریشان کر دیا۔

تقریب کے دوران کامیڈین کرس راک مہمانوں کو ہنسانے کی کوشش میں اپنے روایتی انداز میں وِل اسمتھ کی بیوی جیڈا پنکٹ اسمتھ کے بالوں کی کٹنگ کے انداز کا مذاق اڑایا اور ایک فلم کے سیکوئل میں کام کرنے سے متعلق تجویز بھی دے دی ۔

VIA JAPANESE TELEVISION: The uncensored exchange between Will Smith and Chris Rock pic.twitter.com/j0Z184ZyXa

Advertisement

— Timothy Burke (@bubbaprog) March 28, 2022

اس مذاق پر آسکر ایوارڈ کے ہال میں ایک دم خاموشی چھا گئی اور سب ہی اس مذاق پر حیران ہو گئے۔

کامیڈین کرس راک کے اس مذاق پر ول اسمتھ آپے سے باہر ہوکراسٹیج پر آئے اور کامیڈین کو تھپڑ دے مارا اور پھر واپس اپنی نشست پر جاکر بیٹھ گئے۔

آسکر ایوارڈ 2022، ول اسمتھ نے بہترین اداکار کا ایوارڈ جیت لیا

فلمی دنیا کے نامور ترین ایوارڈز آسکرزکی 94 ویں رنگا رنگ تقریب کا انعقاد لاس اینجلس کے ڈولبی تھیٹر میں ہوا۔

دنیا بھر کی فلم انڈسٹریز کے ستاروں نے تقریب میں شرکت کر کے محفل کو چار چاند لگا دیے۔

پاکستانی نژاد برطانوی اداکار رض احمد نے شاٹ لائیو ایکشن فلم “دی لانگ گڈ بائی” کا پہلا آسکر جیت لیا۔

رض احمد لائیو ایکشن شارٹ فلم کی کیٹیگری میں آسکر جیتنے والے پہلے مسلمان بن گئے۔

39 سالہ اداکار رض احمد جن کا پورا نام رضوان احمد ہے، ان کا تعلق ایک پاکستانی نژاد برطانوی خاندان سے ہے، جو لندن میں پیدا ہوئے۔

94ویں آسکر ایوارڈ میں بہترین اداکار کا ایوارڈ  فلم ”کنگ رچرڈ” پر ول سمتھ کے نام رہا، جبکہ جیسکا چیسٹین نے ‘دی آئیز آف ٹمی فائے’ کے لیے بہترین اداکارہ کا آسکر جیتا۔

‘دنیا کے سب سے بڑے فلمی میلے میں پیانسٹ کی زندگی پر بنی فلم سب کو بھا گئی، فلم ’کوڈا نے بہترین فلم کا آسکر ایوارڈ اپنے نام کر لیا۔

کوڈا قوت سماعت سے محروم خاندان میں قوت سماعت رکھنے  والی واحد لڑکی روبی کی کہانی ہے۔

آسکر ایوارڈز میں ٹرائے کوٹسور بہترین معاون اداکار قرار پائے، قوت سماعت سے محروم ٹرائے کوٹسور کو فلم کوڈا میں اداکاری پر دیا گیا۔

جاپانی ڈرائیو مائی کار کو بہترین بین الاقوامی فلم کا آسکر ایوارڈ مل گیا، ارینا ڈیبوس کو فلم ویسٹ سائیڈ سٹوری میں بہترین معاون اداکارہ کا ایوارڈ مل گیا۔

فلم کوریلا کو بہترین کاسٹیوم ڈیزائنر کا آسکر ایورڈ، جبکہ دی لانگ گڈ بائے نے لائیو ایکشن شارٹ فلم کا آسکر ایوارڈ جیت لیا۔

بہترین اینیمیٹڈ فیچر فلم کا آسکر ایوارڈ این کانٹو نے حاصل کیا، اور کوئین آف باسکٹ بال کو بہترین کو بہترین ڈاکومنٹری فلم کا ایوارڈ دیا گیا۔

امریکی پاپ گلوکارہ بلی آئلش نے “نو ٹائم ٹو ڈائی” پر بہترین اوریجنل گانے کا آسکر اپنے نام کیا۔