وزیر اعلیٰ پنجاب نے صوبے میں نئے انتظامی یونٹس بنانے کا اعلان کر دیا ہے۔

وزیر اعلیٰ پنجاب سردار عثمان بزدار نے پنجاب میں 3 نئے اضلاع اور 2 نئی تحصیلیں بنانے کی اصولی منظوری دے دی ہے۔

انہوں نے کہا کہ لاہور کو 2 اضلاع میں تقسیم کرنے کا اصولی فیصلہ کیا ہے، تحصیل مری کو بھی ضلع کا درجہ دیا جائے گا، تحصیل تونسہ شریف کو بھی ضلع بنایا جائے گا۔

عثمان بزدار نے کہا کہ راولپنڈی میں 2 نئی تحصیلیں بنائی جائیں گی، 3 نئے اضلاع اور 2 نئی تحصیلیں بنانے کی اصولی منظوری دے دی ہے، عوام کی فلاح وبہبود اور گڈگورننس کیلئے نئے اضلاع بنائے جا رہے ہیں۔

وزیر اعلیٰ پنجاب نے کہا ہے کہ ہم اس پر کافی دیر سے کام کررہے ہیں، اس کیلئے قائم کمیٹی نے سفارشات پیش کی ہیں، پسماندہ علاقوں میں طالبات کے لئے نرسنگ کالجز میں داخلے کے لئے 20 فیصد کوٹہ مختص کرنے کی منظوری دے دی ہے۔

انہوں نے کہا کہ اس اقدام سے پسماندہ علاقوں کی پڑھی لکھی بچیوں کو روزگار کے مواقع  میسر ہوں گے۔