پاکستان شوبز کی خوبرو اداکارہ مایا علی نے بھی وزیرِاعظم عمران خان کے حق میں آواز بلند کر دی۔

پاکستان شوبز انڈسٹری کی مشہور اداکارہ مایا علی نے بھی وزیرِاعظم عمران خان کا ساتھ دینے کا فیصلہ کر لیا، مایا علی نے بھی اپوزیشن کی تحریکِ عدم اعتماد خلاف اور عمران خان کے حق میں پوسٹ کر دی۔

مایا علی نے فوٹو اینڈ ویڈیو شیئرنگ ایپ انسٹاگرام پر وزیرِاعظم پاکستان عمران خان کی ایک تصویر شیئر کی ہے۔

اداکارہ نے وزیرِ اعظم کی تصویر شیئر کرتے ہوئے لکھا کہ’سیاست میں صرف ایک ہی آدمی ہے جو واقعی پاکستان کے لیے کچھ اچھا کرنا چاہتا ہے‘۔

اُنہوں نے مزید لکھا کہ’چیزوں کو دوبارہ بنانے اور ٹھیک میں وقت لگتا ہے‘۔

مایا علی نے اپنی پوسٹ میں لکھا کہ پاکستان کو عمران خان کی ضرورت ہے۔

آخر میں اُنہوں نے لکھا کہ’ہمارے ووٹوں کی بہت اہمیت ہے اور وہ عمران خان کے ساتھ ہیں۔

یاد رہے کہ شوبز کے مایاناز اداکار ہمایوں سعید سمیت پاکستان کے کئی نامور اداکاروں نے عمران خان کی مدت پوری کرنے کی خواہش کا اظہار کرتے ہوئے اپوزیشن کے خلاف وزیرِاعظم کا ساتھ دینے کا اعلان کیا ہے۔