اطالوی وکیل 52 سالہ گیانی انفانٹینو فیفا کی صدارت کے لئے تیسری مدت میں بھی صدر بننے کے خواہش مند ہیں۔

گیانی انفانٹینو فیفا کے صدر سے قبل یورپی یونین فٹ بال ایسوسی ایشن کی گورننگ باڈی کے بھی سیکریٹری جنرل تھے۔

انفانٹینو نے جمعرات کو اعلان کیا کہ وہ فیفا کے صدر کے طور پر تیسری مدت کے لیے دوبارہ انتخاب میں حصہ لیں گے۔

گیانی انفانٹینو نے دوحہ میں عالمی فٹ بال کی گورننگ باڈی کی کانگریس میں کہا کہ “میں آپ کو بتانا چاہتا ہوں کہ میں اگلے سال دوبارہ انتخاب کے لیے کھڑا ہوں گا،”.

فیفا کے صدر انفانٹینو نے کرپشن اسکینڈل کے نتیجے میں فیفا کے سابق صدر سیپ بلاٹر کو شکست دے کر فیفا کی صدارت سنبھالی تھی۔

انفانٹینو نے اپنی صدارت کی پہلی مدت کے بعد 2019 میں پیرس میں ہونے والے کانگریس کے اجلاس میں بلا مقابلہ دوسری مدت کے لئے فیفا کے صدر منتخب ہوئے تھے۔

انفنٹینو نے کہا کہ اس وقت ان کا مینڈیٹ چار سال کے لیے تھا اور اگلی کانگریس “اگلے سال کے آغاز میں کچھ وقت میں” ہو گی۔

فیفا کے رکن ممالک کے دنیا بھر سے مندوبین جمعے کو ورلڈ کپ کے لیے قرعہ اندازی سے قبل دوحہ میں جمع ہوئے تھے، جو قطر میں اس سال نومبر اور دسمبر میں منعقد کر رہا ہے۔