شہر کراچی میں سمندری ہوائیں معطل ہونے کے باعث گرمی کی شدت برقرار ہے۔

 اس حوالے سے محکمہ موسمیات کا کہنا ہے کہ شہر میں آج بھی موسم گرم رہے گا جبکہ پیر سے موسم میں تبدیلی واقع ہوگی۔

محکمہ موسمیات کے مطابق شہر کا موجودہ درجہ حرارت 23 ڈگری سینٹی گریڈ ہے جو کہ دن میں درجہ حررات 37 سے 39 ڈگری سینٹی گریڈ تک رہے گا۔

محکمہ موسمیات نے بتایا کہ شہر سمندری ہوائیں نہ چلنے کے باعث حبس برقرار رہے گا۔

دوسری جانب آئندہ بارہ گھنٹوں کے دوران ملک کے بیشتر علاقوں میں موسم زیادہ تر گرم اور خشک رہنے کا امکان ہے۔

تاہم اسلام آباد، وسطی اور جنوبی پنجاب، شمالی اور وسطی بلوچستان اور وسطی اور جنوبی سندھ میں وقفے وقفے سے گرد آلود ہوائیں چلنے کا امکان ہے۔

اسلام آباد چودہ ڈگری سینٹی گریڈ، لاہور اکیس، کراچی چوبیس، پشاور اٹھارہ، کوئٹہ گیارہ، گلگت نو، مری اور مظفر آباد تیرہ ڈگری سینٹی گریڈ ریکارڈ کیا گیا ہے۔