سندھ کے عوام کوسستا  آٹا فروخت کرنے کے لیے صوبے بھر میں خصوصی مراکز قائم کردیے گئے ہیں۔

تفصیلات کے مطابق سندھ حکومت کے تحت صوبے  بھر میں سستے آٹے کی دستیابی کے لیے خصوصی مراکز قائم دیے گئے ہیں اور کراچی ، حیدرآباد کے بچت بازاروں کی فہرست بھی جاری کردی گئی ہے۔

ترجمان سندھ حکومت مرتضی وہاب نے کہا کہ سندھ کےتمام اضلاع میں مقررہ مقامات سے  40روپے فی کلو آٹا دستیاب ہوگا۔

مرتضی وہاب نے کہا کہ بلاول بھٹو کی خصوصی ہداہات اور وزیراعلیٰ مرادعلی شاہ کے احکامات پر 40 روپے فی کلو آٹے کی دستیابی بچت بازاروں میں یقینی بنائی جارہی ہے۔

انہوں نے مزید کہا کہ دیگر اشیائے ضروریہ کی قیمتوں کو کنٹرول کرنے کے لیے بھی ضلعی  انتظامیہ متحرک ہے۔