سینیٹر فیصل جاوید نے کہا ہے کہ تحریک انصاف کے ٹکٹ کی بہت مانگ ہے۔

سپریم کورٹ کے باہر میڈیا سے گفتگو کرتے ہوئے سینیٹر فیصل جاوید نے کہا ہے کہ پاکستان ایک تاریخی لمحات سے گزر رہا ہے ، حق و باطل کے بیچ فیصلہ کن گھڑی آچکی ہے۔

فیصل جاوید نے کہا کہ عوام نے حق کا ساتھ دیا اور باطل کو رد کیا، عہد حاضر کے میر جعفر میر صادق کو رد کر دیا۔

انہوں نے کہا کہ بلاول کہتا تھا ہم آئینی تبدیلی لے کر آرہے ہیں ، یہ آئین کے ساتھ غداری کر رہے تھے۔

سینیٹر فیصل جاوید نے کہا کہ آج پوری قوم کی نگاہیں سپریم کورٹ آف پاکستان پر ہیں ، ہمیں امید ہے عدالت تمام تر شواہد کو دیکھنے کے بعد انصاف کرے گی۔

انہوں نے کہا کہ دوسری طرف وہ لوگ ہیں جہنوں نے آئین و قانون سے غداری کی اور عمران خان کے خلاف پاکستان کے خلاف سازش کرنے کی کوشش کی۔

فیصل جاوید نے کہا کہ ہمارے منحرف اراکین اس سازش میں شامل ہیں، انہوں نے اپنے ضمیر کا سودا کیا ہے۔

انہوں نے کہا کہ اپوزیشن بار بار کہ رہی تھی الیکشن کراؤ اب کیوں بھاگ رہے ہیں، پیپلز پارٹی، ن لیگ اور جے یو آئی ایف اور دیگر پارٹی سے بہت سے لوگ شمولیت اختیار کریں گے۔

انہوں نے مزید کہا کہ تحریک انصاف کے ٹکٹ کی بہت مانگ ہے،  عمران خان کی شہرت کا کریڈٹ اپوزیشن کو جاتا ہے۔