بالی ووڈ کی معروف اداکارہ جیکولین فرنینڈس نے اپنی تصاویر سوشل میڈیا پر شئیر کر دیں۔

اداکارہ جیکولین فرنینڈس نے سوشل میڈیا سائٹ انسٹاگرام پر فالوورز کی تعداد 60 ملین ہونے پر شاندار پارٹی کی جس کی تصاویر سوشل میڈیا پر تیزی سے وائرل ہورہی ہیں۔

اداکارہ ان تصاویر میں بہت خوش نظر آرہی ہیں اور ان کے سامنے میز پر دو کیک رکھے ہوئے ہیں جوکہ انسٹا پر ان کے فالوورز کی 60 ملین ہونے کی خوشی کو منانے کے لیے خصوصی طور پر بنوائے گئے ہیں۔

انسٹاگرام پر اداکارہ کی جانب سے شئیر کی جانے والی تصاویر کی کیپشن میں لکھا کہ’ہم اب 60 ملین کی فیملی ہیں‘۔

جیکولین فرنینڈس نے اپنے مداحوں کا شکریہ ادا کرتے ہوئے لکھا کہ’اس سفر میں میرے ساتھ رہنے کے لیے آپ کا شکریہ‘۔

اداکارہ کی اس پوسٹ کو صارفین کی جانب سے بہت پسند کیا جارہا ہے۔

اس کے علاوہ مداحوں اور بھارتی فلم انڈسٹری کی معروف شخصیات کی جانب سے اُنہیں سوشل میڈیا پر بڑھتی ہوئی مقبولیت پر مبارکبادیں بھی دی جارہی ہیں۔