دوڑ کر آتی ہوئی خاتون شیشے کے دروازے سے ٹکرا کر گِر پڑی، اس واقعے کی ویڈیو سوشل میڈیا پر بھی وائرل ہو رہی ہے۔

سوشل میڈیا پر آئے دن کچھ نہ کچھ ایسا نیا سامنے آتا رہتا ہے جس کو دیکھ کر بعض اوقات ہنسی چھوٹ جاتی ہے ایسا ہی کچھ ایک وائرل ویڈیو میں دکھایا گیا ہے کہ جہاں خاتون شیشے کے دروازے سے ایسے ٹکراتی ہے کہ شیشہ ہی ٹوٹ جاتا ہے۔

غیر ملکی میڈیا رپورٹ کے مطابق ایک خاتون سیلون میں تیزی سے دوڑتی ہوئی آ رہی تھی کہ سیلون کے باہر موجود شیشے کے دروازے سے ٹکرائی جس کے بعد دروازہ زور دار آواز کے ساتھ گرکر چکنا چور ہوگیا۔

ویڈیو میں دیکھا جا سکتا ہے کہ نامعلوم خاتون سیلون میں داخل ہونے کیلیے تیزی سے اندر آتی ہے لیکن لگتا ہے کہ خاتون کو کچھ زیادہ ہی جلدی تھی اسی لیے اس نے کھلے راستے کے بجائے وہ شفاف شیشے کے دروازے کے فکس حصے کو راستہ سمجھ کر وہاں سے داخل ہونے کی کوشش کی۔

خاتون کی زور دار ٹکر کے نتیجے میں سیلون کا دروازہ اس کے اندر ہی گر کر چکنا چور ہوگیا تاہم خوش قسمتی سے خاتون کسی بھی چوٹ سے محفوظ رہی۔

دوسری جانب ویڈیو میں خاتون دروازے سے ٹکرانے کے بعد خاتون اپنے چہرے کو پکڑے پیچھے کی جانب جاتی نظر آتی ہے جہاں ایک ہیلمٹ پہنا شخص اس کی مدد کیلیے قریب آیا لیکن شاید خاتون اتنا ڈر گئی تھی کہ وہ اسے دھکیل کر اپنا چہرہ پکڑے وہیں بیٹھ گئی۔

اس ویڈیو کو اب تک 44 ہزار سے زائد لوگ دیکھ چکے ہیں اور اس پر طرح طرح کے تبصرے کررہے ہیں۔