وزیراعظم کی زیرصدارت سیاسی کمیٹی کا اجلاس جاری ہے۔

ذرائع کے مطابق وزیراعظم عمران خان کی زیرصدارت سیاسی کمیٹی کا اجلاس وزیراعظم ہاؤس میں جاری ہے جس میں سیاسی صورتحال، آئندہ انتخابات پر مشاورت اور پنجاب حکومت کی بدلتی سیاسی صورتحال پر بھی گفتگو کی گئی۔

اجلاس میں اسد قیصر، اسد عمر، شیخ رشید احمد، حماد اظہر، مراد سعید، شیریں مزاری، علی امین گنڈا پور، غلام سرور خان، عاطف خان، شہباز گل اور فیصل جاوید نے شرکت کی ہے۔

ذرائع کا کہنا ہے کہ اجلاس میں نگران حکومت کے قیام سے متعلق معاملات کا جائزہ لیا گیا، نگران وزیراعظم کے حوالے سے بھی گفتگو کی گئی۔

سیاسی کمیٹی اجلاس میں بین الاقوامی مراسلے پر اور سپریم کورٹ میں زیر سماعت کیس کے حوالے سے مشاورت کی گئی۔