وزیراعظم عمران خان آج  قوم سے خطاب کریں گے۔

سماجی رابطے کی ویب سائٹ ٹوئٹر پر وزیراعظم عمران خان نے اپنے ایک پیغام میں کہا کہ انہوں نے وفاقی کابینہ اور پی ٹی آئی کی پارلیمانی کمیٹی کے اجلاس اسلام آباد میں بلائے ہیں۔

I have called a cabinet mtg tomorrow as well as our parl party mtg; & tomorrow evening I will address the nation. My message to our nation is I have always & will continue to fight for Pak till the last ball.

— Imran Khan (@ImranKhanPTI) April 7, 2022

عمران خان نے قوم کو بتایا کہ وہ ہمیشہ پاکستان کے لیے آخری گیند تک لڑتے رہیں گے۔

دوسری جانب اپنے ٹوئٹ میں پاکستان تحریک انصاف کے رہنما فواد چوہدری نے بھی آج ہونے والے اہم واقعات سے آگاہ کیا۔

وزیر اعظم نے کل کابینہ کا اجلاس طلب کر لیا ہے، پارلیمانی کمیٹی کا اجلاس بھی کل ہو گا اور کل رات وزیر اعظم قوم سے خطاب کریں گے

— Ch Fawad Hussain (@fawadchaudhry) April 7, 2022

خیال رہے کہ گزشتہ روز سپریم کورٹ کی جانب سے اسپیکر کی رولنگ کیس کا فیصلہ آیا تھا جس کے بعد وزیراعظم عمران خان نے وفاقی کابینہ اور پی ٹی آئی کی پارلیمانی کمیٹی کے اجلاس کیا ہے۔

 اس اجلاس میں 9 اپریل کو ہونے والے قومی اسمبلی کے اجلاس کے لئے حکمت عملی طے کی جائیگی۔

گزشتہ روز سپریم کورٹ کی جانب سے سنائے گئے فیصلے میں کہا گیا کہ وزیراعظم اسمبلیاں تحلیل کرنے کے اہل نہیں تھے جب کہ عدالت نے صدر مملکت ڈاکٹر عارف علوی کے نگراں حکومت کے احکامات بھی کالعدم قرار دے دیے۔

عدالتی فیصلے میں اسپیکر قومی اسمبلی کو 9 اپریل بروز ہفتہ صبح 10 بجے اجلاس طلب کرنے کا حکم دیتے ہوئے کہا کہ وہ اسی دن عدم اعتماد پر ووٹنگ کروائیں۔ عدالت کی جانب سے نئے انتخابات کا حکم بھی کالعدم قرار دے دیا گیا۔