دنیا کی مشہور ترین خاتون برطانوی شہزادی ڈیانا نے ٹام کروز کے ساتھ ڈیٹ پر جانے سے کیوں منع کیا تھا، وجہ سامنے آگی۔

غیر ملکی میڈیا رپورٹ کے مطابق شہزادی ڈیانا اور ہالی ووڈ اسٹار ٹام کروز کی بہت زبردست اور مشہور جوڑی ہوتی لیکن ایسا ممکن نہیں ہوسکا اور جب ٹام نے ڈیانا کو ڈیٹ پر جانے کا کہا تو انہوں نے انکار کر دیا، تاہم ڈیانا نے ایسا کیوں کیا اس کی وجہ سامنے آ چکی ہے۔

پرنسز آف ویلز کے سابق شیف ڈیرن میک گریڈی نے اپنے ایک ٹوئٹ میں اس بات کاانکشاف کیا کہ شہزادی ڈیانا نے ٹام کروز کو ’ڈیٹ‘ کرنے سے اس لیے انکار کردیا تھا کیونکہ اداکار کا قد ان سے چھوٹا تھا۔

اُنہوں نے اپنے ٹوئٹ میں لکھا کہ’اُنہیں یاد ہے کہ شہزادی ڈیانا اپنے بیٹوں کو ساتھ لے کر فلم (مشن امپاسبل) کے سیٹ پر ٹام کروز سے ملنے گئی تھیں‘۔

اُنہوں نے مزید لکھا کہ ٹام نے جب شہزادی ڈیانا کو ایک مختصر ڈیٹ پر چلنے کے لئے کہا تو شہزادی نے ٹام کروز کو انکار کر دیا ان جب کے لیے انکار کی وجہ اداکار کا چھوٹا قد تھا۔

I remember Princess Diana taking the boys to the set of Mission Impossible and to meet Tom Cruise. Wills and Harry loved the pyrotechnics. But Princess Diana… “That’s another one off the list Darren. He’s too short!” https://www.bolnews.com/urdu/latest/2022/04/917325/amp/

— Darren McGrady (@DarrenMcGrady) April 1, 2022

یاد رہے کہ اس سے قبل بھی ڈیرن میکگریڈی نے اپنے ایک انٹرویو میں بتایا تھا کہ’ڈیانا ایک صبح کچن میں آئیں اور ان سے کہا کہ ہمیں لندن کے پائن ووڈ اسٹوڈیوز سے ولیم اور ہیری کے لیے فلم (مشن امپاسبل) کی تیاری دیکھنے کی دعوت ملی ہے‘۔

اُنہوں نے مزید بتایا کہ’شہزادی ڈیانا نےاس حوالے سے ان سے پوچھا کہ کیا آپ کو لگتا ہے کہ بچے اس میں دلچسپی لیں گے؟‘

اس پر شیف ڈیرن میکگریڈی نے کہا کہ اُنہیں بچوں کی ان سب چیزوں میں دلچسپی لینے کے بارے میں تو پتا نہیں لیکن آپ اگر ٹام کروز سے ملنا چاہیں تو ضرور جائیں‘۔

اُنہوں نے یہ بھی بتایا تھا کہ’اگلے دن ٹام کروز سے ملاقات کے بعد ڈیانا کچن میں داخل ہوئیں کچھ پھل اُٹھائے اور جاتے ہوئے کہا کہ ٹام کروز بھی ان کی فہرست سے باہر ہیں کیونکہ ان کا قد چھوٹا ہے‘۔